(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.329. అధ్యాయః 329
Mahabharata - Shanti Parva - Chapter Topics
భీష్మేణ యుధిష్ఠిరంప్రతి వ్యాసకృతశుకానుశాసనానువాదః॥ 1॥
Mahabharata - Shanti Parva - Chapter Text

యుధిష్ఠిర ఉవాచ। 12-329-0x(6534)(78747)
కథం నిర్వేదమాపన్నః శుకో వైయాసకిః పురా।
ఏతదిచ్ఛాంయహం శ్రోతుం పరం కౌతూహలం హి మే॥ 12-329-1(78748)
భీష్మ ఉవాచ। 12-329-2x(6535)
ప్రాకృతేనైవ వృత్తేన చరంతమకుతోభయం।
అధ్యాప్య కృత్స్నం స్వాధ్యాయమన్వశాద్వై పితా సుతం॥ 12-329-2(78749)
వ్యాస ఉవాచ। 12-329-3x(6536)
ధర్మం పుత్ర నిపేవస్వ సుతీక్ష్ణౌ చ హిమాతపౌ।
క్షుత్పిపాసే చ వాయుం చ జయ నిత్యం జితేంద్రియః॥ 12-329-3(78750)
సత్యమార్జవమక్రోధమనసూయాం దమం తపః।
అహింసాం చానృశంస్యం చ విధివత్పరిపాలయ॥ 12-329-4(78751)
సత్యే తిష్ఠ రతో ధర్మే హిత్వా సర్వమనార్జవం।
దేవతాతిథిశేషేణ యాత్రాం ప్రాణస్య సంలిహ॥ 12-329-5(78752)
ఫేనమాత్రోపమే దేహే జీవే శకునివత్స్థితే।
అనిత్యే ప్రియసంవాసే కథం స్వపిషి పుత్రక॥ 12-329-6(78753)
అప్రమత్తేషు జాగ్రత్సు నిత్యయుక్తేషు శత్రుషు।
అంతరం లిప్యమానేషు బాలస్త్వం నావబుధ్యసే॥ 12-329-7(78754)
అహఃసు గణ్యమానేషు క్షీయమాణే తథాఽఽయుషి।
జీవితే లిఖ్యమానే చ కిముత్థాయ న ధావసి॥ 12-329-8(78755)
ఐహలౌకికనీహంతే మాంసశోణితవర్ధనం।
పారలౌకికకార్యేషు ప్రసుప్తా భృశనాస్తికాః॥ 12-329-9(78756)
ధర్మాయ యేఽభ్యసూయంతి బుద్ధిమోహాన్వితా నరాః।
అపథా గచ్ఛతాం తేషామనుయాతాఽపి పీడ్యతే॥ 12-329-10(78757)
యే తు తుష్టాః శ్రుతిపరా మహాత్మానో మహాబలాః।
ధర్ంయం పంథానమారూఢాస్తానుపాస్స్వ చ పృచ్ఛ చ॥ 12-329-11(78758)
ఉపధార్య మతం తేషాం బుధానాం ధర్మదర్శినాం।
నియచ్ఛ పరయా బుద్ధ్యా చిత్తముత్పథగామి వై॥ 12-329-12(78759)
ఆద్యకాలికయా బుద్ధ్యా దూరేశ్చ ఇతి నిర్భయాః।
సర్వభక్ష్యా న పశ్యంతి కర్మభూమిమచేతసః॥ 12-329-13(78760)
ధర్మం నిఃశ్రేణిమాస్థాయ కించిత్కించిత్సమారుహ।
కోశకారవదాత్మానం వేష్టయన్నావబుధ్యసే॥ 12-329-14(78761)
నాస్తికం భిన్నమర్యాదం కూలపాతమివ స్థితం।
వామతః కురు విస్రబ్ధో నరం వేణుమివోద్ధృతం॥ 12-329-15(78762)
కామక్రోధగ్రాహవతీం పంచేంద్రియజలాం నదీం।
నావం ధృతిమయీం కృత్వా జన్మదుర్గాణి సంతర॥ 12-329-16(78763)
మృత్యునాఽభ్యాహతే లోకే జరయా పరిపీడితే।
అమోఘాసు పతంతీషు ధర్మయానేన సంతర॥ 12-329-17(78764)
తిష్ఠంతం చ శయానం చ మృత్యురన్వేషతే యదా।
నిర్వృత్తిం లభతే కస్మాదకస్మాన్మృత్యునాఽశితః॥ 12-329-18(78765)
సంచిన్వానకమేవైనం కామానామవితృప్తకం।
వృకీవోరణమాసాద్య మృత్యురాదాయం గచ్ఛతి॥ 12-329-19(78766)
క్రమశః సంచితశిఖో ధర్మబుద్ధిమయో మహాన్।
అంధకారే ప్రవేష్టవ్యే దీపో యత్నేన ధార్యతాం॥ 12-329-20(78767)
సంపతందేహజాలాని కదాచిదిహ మానుషే।
బ్రాహ్మణ్యం లభతే జంతుస్తత్పుత్ర పరిపాలయ॥ 12-329-21(78768)
బ్రాహ్మణస్య తు దేహోఽయం న కామార్థాయ జాయతే।
ఇహ క్లేశాయ తపసే ప్రేత్య త్వనుపమం సుఖం॥ 12-329-22(78769)
బ్రాహ్మణ్యం బహుభిరవాప్యతే తపోభి
స్తల్లబ్ధ్వా న రతిపరేణ హేలితవ్యం।
స్వాధ్యాయే తపసి దమే చ నిత్యయుక్తః
మోక్షార్థీ కుశలపరః సదా యతస్వ॥ 12-329-23(78770)
అవ్యక్తప్రకృతిరయం కలాశరీరః
సూక్ష్మాత్మా క్షణత్రుటికా నిమేషరోమా।
యానేతత్సమబలశుక్లకృష్ణనేత్రో
మాసాంగో ద్రవతి వయోహయో నరాణాం॥ 12-329-24(78771)
తం దృష్ట్వా ప్రసృతమజస్రముగ్రవేగం
గచ్ఛంతం సతతమిహాన్వవేక్షమాణం।
యక్షుస్తే యది న పరప్రణేతృనేయం
ధర్మే తే రమతు మనః పరం నిశాంయ॥ 12-329-25(78772)
యేఽమీ తు ప్రచలితధర్మకామవృత్తాః
క్రోశంతః సతతమనిష్టసంప్రయోగాత్।
క్లిశ్యంతః పరిగతవేదనాశరీరా
బహ్వీభిః సుభృశమధర్మవాగురాభిః॥ 12-329-26(78773)
రాజా సదా ధర్మపరః శుభాశుభస్య గోప్తా
సమీక్ష్య సుకృతినాం దధాతి లోకాన్।
బహువిధమపి చరతి ప్రవిశతి
సుఖమనుపగతం నిరవద్యం॥ 12-329-27(78774)
శ్వానో భీషణకాయా అయోముఖాని వయాంసి
బలగృధ్రకురరపక్షిణాం చ సంఘాతం।
నరకదనే రుధిరపా గురువచన
నుదముపరతం విశంత్యసంతః॥ 12-329-28(78775)
మర్యాదా నియతాః స్వయంభువా య ఇహేమాః
ప్రభినత్తి దశ గుణా మనోఽనుగత్వాత్।
నివసతి భృశమసుఖం పితృవిషయ
విపినమవగాహ్య స పాపః॥ 12-329-29(78776)
యో లుబ్ధ సుభృశం ప్రియానృతశ్చ మనుష్యః
సతతనికృతివంచనాభిరతిః స్యాత్।
ఉపనిధిభిరసుఖకృత్స పరమనిరయగో
భృశమసుఖమనుభవతి దుష్కృతకర్మా॥ 12-329-30(78777)
ఉష్ణాం వైతరణీం మహానదీమవ
గాఢోఽసిపత్రవనభిన్నగాత్రః।
పరశువనశయోనిపతితో
వసతి చ మహానిరయే భృశార్తః॥ 12-329-31(78778)
మహాపాదని కత్థసే న చాప్యవేక్షసే పరం।
చిరస్య మృత్యుకారికామనాగతాం న బుధ్యసే॥ 12-329-32(78779)
ప్రయస్యతాం కిమాస్యతే సముత్థితం మహద్భయం।
అతిప్రమార్థి దారుణం సుఖస్య సంవిధీయతాం॥ 12-329-33(78780)
పురా మృతః ప్రణీయసే యమస్య రాజశాసనాత్।
త్వమంతకాయ దారుణైః ప్రయత్నమార్జవే కురు॥ 12-329-34(78781)
పురా సమూలబాంధవం ప్రభుర్హరత్యదుఃఖవిత్।
కియత్తవేహ జీవితం యమే న చాస్తి వారకః॥ 12-329-35(78782)
పురా వివాతి మారుతో యమస్య యః పురఃసరః।
పురైక ఏవ నీయసే కురుష్వ సాంపరాయికం॥ 12-329-36(78783)
పురా స ఏక ఏవ తే ప్రవాతి మారుతోఽంతకః।
పురా చ విభ్రమంతి తే దిశో మహాభయాగమే॥ 12-329-37(78784)
శ్రుతిశ్చ సన్నిరుధ్యతే పురా తవేహ పుత్రక।
సమాకులస్య గచ్ఛతః సమాధిముత్తమం కురు॥ 12-329-38(78785)
శుభాశుభే పురా కృతే ప్రమాదకర్మవిప్లుతే।
స్మరన్పురాఽనుతప్యసే నిధత్స్వ కేవలం నిధిం॥ 12-329-39(78786)
పురా జరా కలేవరం విజర్ఝరీకరోతి తే।
బలాంగరూపహారిణీ నిధత్స్వ కేవలం నిధిం॥ 12-329-40(78787)
పురా శరీరమంతకో భినత్తి రోగసాయకైః।
ప్రసహ్య జీవితక్షయే తపో మహత్సమారభ॥ 12-329-41(78788)
పురా వృకా భయంకరా మనుష్యదేహగోచరాః।
అభిద్రవంతి సర్వతో యతస్వ పుణ్యశీలనే॥ 12-329-42(78789)
పురాంధకారమేకకోఽనుపశ్యసి త్వరస్వ వై।
పురా హిరణ్మయాన్నగాన్నిరీక్షసేఽద్రిమూర్ధని॥ 12-329-43(78790)
పురా కుసంగతాని తే సుహృన్ముఖాశ్చ శత్రవః।
విచాలయంతి దర్శనాద్ధటస్వ పుత్ర యత్పరం॥ 12-329-44(78791)
ధనస్య యస్య రాజతో భయం న చాస్తి చోరతః।
మృతం చ యన్న ముంచతి సమార్జయస్వ తద్ధనం॥ 12-329-45(78792)
న తత్ర సంవిభజ్యతే స్వకర్మభిః పరస్పరం।
యదేవ యస్య యౌతకం తదేవ తత్ర సోఽశ్నృతే॥ 12-329-46(78793)
పరత్ర తేన జీవ్యతే తదేవ పుత్ర జీయతాం।
ధనం యదక్షరం ధ్రువం సమార్జయస్వ తత్స్వయం॥ 12-329-47(78794)
న యావదేవ పచ్యతే మహాజనస్య యావకం।
అపక్వ ఏవ యావకే పురా ప్రలీయతే త్వరం॥ 12-329-48(78795)
న మాతృపుత్రబాంధవా న సంస్తుతః ప్రియో జనః।
అనువ్రజంతి సంకటే వ్రజంతమేకపాతినం॥ 12-329-49(78796)
యదేవ కర్మ కేవలం పురాకృతం శుభాశుభం।
తదేవ పుత్ర యౌతకం భవత్యముత్ర గచ్ఛతః॥ 12-329-50(78797)
హిరణ్యరత్నసంచయాః శుభాశుభేన సంచితాః।
న తస్య దేహసంక్షయే భవంతి కార్యసాధకాః॥ 12-329-51(78798)
న పుత్ర శాంతిరస్తి తే కృతాకృతస్య కర్మణః।
న సాక్షికోఽఽత్మనా సమో నృణామిహాస్తి కశ్చన॥ 12-329-52(78799)
మనుష్యదేహశూన్యకం భవత్యముత్ర గచ్ఛతః।
ప్రవిశ్య బుద్ధిచక్షుషా ప్రదృశ్యతే హి సర్వశః॥ 12-329-53(78800)
ఇహాగ్నిసూర్యవాయవః శరీరమాశ్రితాస్త్రయః।
త ఏవ తస్య సాక్షిణో భవంతి ధర్మదర్శినః॥ 12-329-54(78801)
అహనింశేషు సర్వతః స్పృశత్సు సర్వచారిషు।
ప్రకాశగూఢవృత్తిషు స్వధర్మమేవ పాలయ॥ 12-329-55(78802)
అనేకపారిపాంథకే విరూపరౌద్రమక్షికే।
స్వమేవ కర్మ రక్ష్యతాం స్వకర్మ తత్ర గచ్ఛతి॥ 12-329-56(78803)
న తత్ర సంవిభజ్యతే స్వకర్మభిః పరస్పరం।
తథా కృతం స్వకర్మజం తదేవ భుజ్యతే ఫలం॥ 12-329-57(78804)
యథాఽప్సరోగణాః ఫలం సుఖం మహర్షిభిః సహ।
తథాఽఽప్నువంతి కర్మజం విమానకామగామినః॥ 12-329-58(78805)
యథేహ యత్కృతం శుభం విపాప్మభిః కృతాత్మభిః।
తదాప్నువంతి మానవాస్తథా విశుద్ధయోనయః॥ 12-329-59(78806)
ప్రజాపతేః సలోకతాం బృహస్పతేః శతక్రతోః।
వ్రజంతి తే పరాం గతిం గృహస్థధర్మసేతుభిః॥ 12-329-60(78807)
సహస్రశోఽప్యనేకశః ప్రవక్తుముత్సహామహే।
అబుద్ధిమోహనం పునః ప్రభుస్తు తేన పావకః॥ 12-329-61(78808)
గతా త్రిరష్టవర్షతా ధ్రువోఽసి పంచవింశకః।
కురష్వ ధర్మసంచయం వయో హి తేఽతివర్తతే॥ 12-329-62(78809)
పురా కరోతి సోఽంతకః ప్రమాదగోముఖాం చమూం।
యథాగృహీతముత్థితస్త్వరస్వ ధర్మపాలనే॥ 12-329-63(78810)
యథా త్వమేవ పృష్ఠతస్త్వమగ్రతో గమిష్యసి।
తథా గతిం గమిష్యతః కిమాత్మనా పరేణ వా॥ 12-329-64(78811)
యదేకపాతినాం సతాం భవత్యముత్ర గచ్ఛతాం।
భయేషు సాంపరాయికం నిధత్స్వ కేవలం నిధిం॥ 12-329-65(78812)
సతూలమూలబాంధవం ప్రభుర్హరత్యసంగవాన్।
న సంతి యస్య వారకాః కురష్వ ధర్మసంనిధిం॥ 12-329-66(78813)
ఇదం నిదర్శనం మయా తవేహ పుత్ర సంమతం।
స్వదర్శనానుపానతః ప్రవర్ణితం కురుష్వ తత్॥ 12-329-67(78814)
దదాతి యః స్వకర్మణా ధనాని యస్యకస్యచిత్।
అబుద్ధిమోహజైర్గుణైః స ఏక ఏవ యుజ్యతే॥ 12-329-68(78815)
శుభం సమస్తమశ్నుతే ప్రకుర్వతః శుభాః క్రియాః।
తదేతదర్థదర్శనం కృతజ్ఞమర్థసంహితం॥ 12-329-69(78816)
నిబంధనీ రజ్జురేషా యా గ్రామే వసతో రతిః।
ఛిత్త్వైతాం సుకృతో యాంతి నైనాం ఛిదంతి దుష్కృతః॥ 12-329-70(78817)
కిం తే ధనేన కిం బంధుభిస్తే
కిం తే పుత్రైః పుత్రక యో మరిష్యసి।
ఆత్మానమన్విచ్ఛ గుహాం ప్రవిష్టం
పితామహాస్తే క్వ గతాశ్చ సర్వే॥ 12-329-71(78818)
శ్వః కార్యమద్యే కుర్వీత పూర్వాహ్ణే చాపరాహ్ణికం।
న హి ప్రతీక్షతే మృత్యుః కృతం వాఽస్య న వాఽకృతం॥ 12-329-72(78819)
అనుగంయ వినాశాంతే నివర్తంతే హ బాంధవాః।
అగ్నౌ ప్రక్షిప్య పురుషం జ్ఞాతయః సుహృదస్తథా॥ 12-329-73(78820)
నాస్తికాన్నిరనుక్రోశాన్నరాన్పాపమతే స్థితాన్।
వామతః కురు విస్రబ్ధం పరం ప్రేప్సురతంద్రితః॥ 12-329-74(78821)
ఏవమభ్యాహతే లోకే కాలేనోపనిపీడితే।
సుమహద్ధైర్యమాలంబ్య ధర్మం సర్వాత్మనా కురు॥ 12-329-75(78822)
అథేమం దర్శనోపాయం సంయగ్యో వేత్తి మానవః।
సంయక్ స్వధర్మం కృత్వేహ పరత్ర సుఖమశ్నుతే॥ 12-329-76(78823)
న దేహభేదే మరణం విజానతాం
న చ ప్రణాశః స్వనుపాలితే పథి।
ధర్మం హి యో బర్ధయతే స పణ్·డితో
య ఏవ ధర్మాచ్చ్యవతే స దహ్యతే॥ 12-329-77(78824)
ప్రయుక్తయోః కర్మపథి స్వకర్మణోః
ఫలం ప్రయోక్తా లభతే యథావిధి।
నిహీనకర్మా నిరయం ప్రపద్యతే
త్రివిష్టపం గచ్ఛతి ధర్మపారగః॥ 12-329-78(78825)
సోపానభూతం స్వర్గస్య మానుష్యం ప్రాప్య దుర్లభం।
తథాఽఽత్మానం సమాదధ్యాద్ధశ్యతే న పునర్యథా॥ 12-329-79(78826)
యస్య నోత్క్రామతి మతిః స్వర్గమార్గానుసారిణీ।
తమాహుః పుణ్యకర్మాణమశోచ్యం మిత్రబాంధవైః॥ 12-329-80(78827)
యస్య నోపహతా బుద్ధిర్నిశ్చయే హ్యవలంబతే।
స్వర్గే కృతావకాశస్య నాస్తి తస్య మహద్భయం॥ 12-329-81(78828)
తపోవనేషు యే జాతాస్తత్రైవ నిధనం గతాః।
తేషామల్పతరో ధర్మః కామభోగానజానతాం॥ 12-329-82(78829)
యస్తు భోగాన్పరిత్యజ్య శరీరేణ తపశ్చరేత్।
న తేన కించిన్న ప్రాప్తం తన్మే బహుమతం ఫలం॥ 12-329-83(78830)
మాతాపితృసహస్రాణి పుత్రదారశతాని చ।
అనాగతాన్యతీతాని కస్య తే కస్య వా వయం॥ 12-329-84(78831)
అహమేకో న మే కశ్చిన్నాహమన్యస్య కస్యచిత్।
న తం పశ్యామి యస్యాహం తన్న పశ్యామి యో మమ॥ 12-329-85(78832)
న తేషాం భవతా కార్యం న కార్యం తవ తైరపి।
స్వకృతైస్తాని జాతాని భవాంశ్చైవ గమిష్యతి॥ 12-329-86(78833)
ఇహ లోకే హి ధనినా పరోఽపి స్వజనాయతే।
స్వజనస్తు దరిద్రాణాం జీవతామపి నశ్యతి॥ 12-329-87(78834)
సంచినోత్యశుభం కర్మ కలత్రాపేక్షయా నరః।
తతః క్లేశమవాప్నోతి పరత్రేహ తథైవ చ॥ 12-329-88(78835)
పశ్యతి చ్ఛిన్నభూతం హి జీవలోకం స్వకర్మణా।
తత్కురుష్వ తథా పుత్ర కృత్స్నం యత్సముదాహృతం॥ 12-329-89(78836)
తదేతత్సంప్రదృశ్యైవ కర్మ భూమిం ప్రపశ్యతః।
శుభాన్యాచరితవ్యాని పరలోకమభీప్సతా॥ 12-329-90(78837)
మాసర్తుసంజ్ఞాపరివర్తకేన
సూర్యాగ్నినా రాత్రిదివేంధనేన।
స్వకర్మనిష్ఠాఫలసాక్షికేణ
భూతాని కాలః పచతి ప్రసహ్య॥ 12-329-91(78838)
ధనేన కిం యన్న దదాతి నాశ్నుతే
బలేన కిం యేన రిపుం న బాధతే।
శ్రుతేన కిం యేన న ధర్మమాచరే
త్కిమాత్మనా యో న జితేంద్రియో వశీ॥ 12-329-92(78839)
భీష్మ ఉవాచ। 12-329-93x(6537)
ఇదం ద్వైపాయనవచో హితముక్తం నిశంయ తు।
శుకో గతః పరిత్యజ్య పితరం మోక్షదైశికం॥ ॥ 12-329-93(78840)

ఇతి శ్రీమన్మహాభారతే శాంతిపర్వణి మోక్షధర్మపర్వణి ఏకోనత్రింశదధికత్రిశతతమోఽధ్యాయః॥ 329॥

Mahabharata - Shanti Parva - Chapter Footnotes

12-329-2 స్వాధ్యాయమన్వశిక్షయత స్వయమితి ట. థ. ధ. పాఠః॥ 12-329-5 హిత్వా సంగమనార్జవమితి ప్రాణస్య లేలిహేతి చ. ధ. పాఠః। సంలిహ స్పృశ। స్వాద్వస్వాదువివేకం మా కార్షీరిత్యర్థః॥ 12-329-6 ఆమపాత్రోపమే ఇతి ధ. పాఠః। స్వపిషి పురుషార్థసాధనే న ప్రవర్తసే॥ 12-329-7 శత్రుషు కామాదిషు। అంతరం ఛిద్రం॥ 12-329-8 న ధావసి దేవం గురుం వా శరణం న యాసి। జీవితే లిహ్యమానే చేతి ధ. పాఠః। జీవితే లుల్యమానేచేతి ట. పాఠః॥ 12-329-10 అపథా అపథేన। బుద్ధిమోహపరాయణా ఇతి ట. థ. పాఠః॥ 12-329-13 ఆద్యకాలికయా వర్తమానమాత్రదర్శిన్యా॥ 12-329-15 కూలపాతం మహానదీపూరం। రణరేణుమివోత్థితమితి ధ. పాఠః। రథరేణుమివేతి ధ.పాఠః। రథరేణుం యథా వామతః కుర్వంతి వామభాగే కుర్వంతి వర్జయంతీత్యర్థ ఇతి రత్నగర్భః। ఖరరేణుమితి ట. థ. పాఠః॥ 12-329-17 అమోఘాసు ఆయుర్హరణేన సఫలాసు రాత్రిషు। ధర్మపోతేన సంచరేతి ధ. పాఠః। జరయా పరివారిత ఇతి ట. థ. పాఠః॥ 12-329-18 మృత్యురన్వేతి తే యదేతి ట. థ. ధ. పాఠః। నివృత్తిం లంభసే యస్మాత్తస్మాత్త్వం మృత్యునాశిత ఇతి ధ. పాఠః॥ 12-329-19 సంచిన్వానకం ధనాదిసంచయపరం॥ 12-329-20 అంధకారే సంసారే। దీపో జ్ఞానం॥ 12-329-22 ఇహ క్లేశాయ మహతే ప్రేత్యానంతసుఖాయ చేతి ధ. పాఠః॥ 12-329-24 శుక్లకృష్ణౌ పక్షౌ॥ 12-329-25 చక్షుర్జ్ఞానం పరప్రణేతృనేయం। అంధవత్ యది న భవసీత్యర్థః। పరం పరలోకం ఆత్మానం వా॥ 12-329-26 పరిగతం ప్రాప్తం వేదనాశరీరం యమలోకే యాతనాశరీరం యైస్తే తథాభూతా భవంతీతి శేషః॥ 12-329-28 శ్నాన ఇతి నరాణాం కదనం యత్ర తస్మిన్నరకే। రుధిరపాః కీటాః। గురూణాం మాతృపి తృప్రభృతీనాం వచనం నుదతి దూరీకరోతి తం ఉపతరం మృతం। శ్వానోభీషికయేతి ధ. పాఠః॥ 12-329-29 పితృవిషయే యమలోకే విపినమసిపత్రవనం తదేవావగాహ్య తత్రైవ నివసతి॥ 12-329-30 నికృతిర్నీచకర్మ వంచనాచౌర్యాది। ఉపనిధిభిశ్ఛలేన। అపకీర్తిభిరశుభకృతః కృత్స్నం పరమనిరయయాతనాభృశమసుఖమనుభవతి దుష్కృతకర్మేతి ట. పాఠః॥ 12-329-32 మహాపదాని బ్రహ్మాదీనాం స్థానాని దృష్ట్వా కత్థసే ధన్యోఽహమితి శ్లాఘసే పరంతు బ్రహ్మ నావేక్షసే। మృత్యుకారికాం జరాం॥ 12-329-33 ప్రయాస్యతాం మోక్షమార్గేణ ప్రస్థాతవ్యం। సుఖస్య ప్రమాథి సంవిధీయతాం ప్రయత్యతాం॥ 12-329-34 అంతకాయ అయతిసుఖాయ। దారుణైః కృచ్ఛ్రాదితపోభిః॥ 12-329-42 వృకాః కామాదయః॥ 12-329-43 హిరణ్మయవృక్షదర్శనం మరణచిహ్నం॥ 12-329-44 తే త్వాం॥ 12-329-45 తద్ధనం విద్యాం॥ 12-329-46 యౌతకం వివాహాప్తంధనం దాయాదాగ్రాహ్యం॥ 12-329-48 యావకే ఘృతఖండమిశ్రే యవపివష్టవికారే త్వరం త్వరాయుక్తం యథా స్యాత్తథా ప్రలీయసే ంరియసే। భోగాన్భుక్త్వా మోక్షే యత్నం కరిష్యామీతి న మంతవ్యమితి భావః॥ 12-329-55 యథేంద్రియేషు సర్వతః శ్రుతేష్వితి ధ. పాఠః॥ 12-329-58 తథాఽఽప్నువంతి కర్మతో వియుద్ధిమోహనం పునరితి ట. ధ. పాఠః॥ 12-329-66 కురుష్వ ధర్మసంచయమితి ధ. పాఠః॥ 12-329-72 నహి తద్వేద కస్యాద్యమృత్యుసేనాభివీక్షతే ఇతి ధ. పాఠః। కో హి తద్వేద యస్యాద్యమృత్యుసేనాభివీక్షత ఇతి ట. థ. పాఠః॥ 12-329-79 సృజ్యతే న పునర్యథేతి ధ. పాఠః। ంరియతే న పునర్యథేతి ట. పాఠః॥ 12-329-83 తదేవ బహులం మతమితి ట. ధ. పాఠః॥ 12-329-93 హితయుక్తమితి ధ. పాఠః। మోక్షదైశికం మోక్షోపదేష్టారం॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.